懷孕: 第7週

已經是第7週尾, 踏入第8週了.... 今個星期亦都 book 了做超聲波, 試下聽小Baby 心跳.... 今次係第二次做超聲波, 上次是因為見紅, 所以要做睇下小BABY 有沒有宮外孕..... 小baby 要乖呀! 健健康康 ~  

第7週都沒有太噁心感覺, 只是昨天去食泰餐, 所有餐牌上都不想食.. 見到menu都想嘔了... 但都盡可能食了碟炒雜菜配飯.... 食了一半已經唔想食了.... 其實我一直都要食著條... P生就車我去M記買個餐... 我竟然前一刻無胃口.... 但著條食了一整包..... 小baby 愛薯條 ~ 我都知食炸野不是很好... 其實都盡量少食... 但個一刻係食咩都想嘔...唯獨薯條可以滿足你..... 食完個包薯條後, 個滿足感係大到比得起鮑參翅肚.... 食完嘴角都會笑出黎... 上星期日又是, 中午很想食牛扒加薯條, 立即打電話給P生放工帶我去.... 去了outback 食午餐.... 我竟然自己食完整個牛扒餐.... 食完後上到車仍在回味個種滿足感... P生都感覺到我從未回味過食物.... 

這個星期都沒有見紅了..... 只是有輕微的腹痛和有嘔心感覺 ~ 以現在的感覺來看, 我可能懷了個小男孩..... 因為我沒有太大嘔吐感, 喜歡食重口味食物... 牛扒, 薯條, .... 而我媽懷我細佬時都是沒有嘔吐感.... 但懷我時嘔到PK.... 
其實說真的, 懷了小 baby, 真的不會想男或女... 只有健康男女都無所謂... 以前好多大肚婆講這句, 是真的 ~